يلا بقى 000ازاى تعكنن على مراتك 000 شوف الخبره

بص بقى يارجاله نصيحه للخبره مش اكتر

الصبح وانت رايح على شغلك؟( تمام) وهى نايمة تعمد اسقاط اى شيئ او خبط الباب بصوت عالى علشان تصحيها هى كمان (اشمعنى انت) ؟ ولو حاولت ترجع تنام تانى قالها مادام صحيتى حضري الفطار بقى000؟(غلاسه)
0000000000000000000000000000000000

اذا كنت بتتفرج على التلفزيون وهى عايزة تغير القناة تقولها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة ولو كنت بتتفرج على ماتش كورة هيبقى الموضوع اسهل . كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب0

( ملاحظة : اغلب النساء ذو ثقافة كروية ضعيفة )

000000000000000000000000000000000000000000000

اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق (اللى تقدر عليه حط كل رغيف عيش فى طبق )

واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنه00000 وما اوصيكوش 000

طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض
000000000000000000000000000
فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة0000 (يعنى لو قدرت تضحك )

00000000000000000000

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات . يرعى التجول وانت مستمتع بأكل الجاتوة امامها000 ( ده اكيد بمجرد ماتقول انها عملت ريجيم )
0000000000000000000000000


متنساش رأيك فى طبيخها لو عاملة لحمة قالها حلو اوووى الفراخ دى .ولو طبخة بامية . جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !! 000(يعنى او تقول كويس من تحت درسك )

0000000000000000000000000000000000000000000000

لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !


(او توقع الفردتين ما هى اللى هاتغسل )
0000000000000000000000000000000000000

لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية000 يعنى اتصرف

0000000000000000000000000000000000000000000000000000000000000000000

لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

(اهم حاجه الرأءه 00وممكن تتلكم بأسف )ولاا بلاش

0000000000000000000000000000000

وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!(ولما تجيبها ممكن تقولها اتأخرتى ليه انا خلاص شربت من الميه اللى جنبى )

000000000000000000000000000000000000000000000
طبعا يا جماعة دة هزار محدش يبقى غلس اووووووووووى كدة برضة الستات طيبين

للعلم انا من عشاق المطبخ وشغل البيت لاسباب واحد بس هنا اللى عارفها 00؟ انه معنديش اخوات بنات 00ولازم اعمل اى حاجه تساعد 00


( يارب اللى ربنا واعدها بيه ماتشوف الموضوع )

معكم ابدا ودائما
النجم 2020

يا عيني يا عيني ع الحب
اوعدنا يا رب بحب زي ده او حتى نصه

بس بجد حرام عليك يا نجم انت مؤذي جدا
يا رب مراتك هي اللي تطلع عنيك