قبل ما يدخل علينا رمضان
من الضروري جدا إننا نسترجع مع بعض أحكام الصيام
هي أحكام بسيطة بنذكر نفسنا بيها
عسى الله أن ينفعنا بهذا العمل
الكلام هنا معتمد أساسا على كتاب "منهاج المسلم" للشيخ أبي بكر الجزائري
وهيبقى الأسلوب مبسط حبتين وفيه كلام كتير بالبلدي كده إن شاء الله
تعريف الصيام
الصيام شرعا هو الإمساك عن الأكل، والشرب، والجماع، بنية التعبد، من طلوع الفجر إلى غروب الشمس
يشترط في الصيام النية، فإنما الأعمال بالنيات، وصوم النوافل لك أن تنوي في أي وقت حتى أذان الظهر (أكيد بشرط إنك ما تكونش فطرت كويس قبلها )
أما صوم رمضان فلازم تنوي الصيام قبل الفجر كل يوم (كونك تصحى وتتسحر مخصوص عشان الصيام كده انت نويت)، وبعض العلماء قال إنه يجوز أن تكون النية قبل رمضان بصيام الشهر كله، فيها خلاف المسألة دي
حكم الصيام:
طبعا معروف الأصل أن صيام رمضان فرض على كل مسلم عاقل بالغ
وفيه بعض أنواع من الصيام المستحب زي الاثنين والخميس، والأيام الثلاثة البيض، وصيام يوم وإفطار يوم، وعرفة، وعاشوراء، و6 أيام من شوال، العشر الأول من ذي الحجة، ومعظم شهر شعبان، وأيام من شهر المحرم، وصيام الأعزب اللي مش لاقي يتجوز، وغيرها
وأحيانا بيبقى الصيام مكروه زي الجمعة لوحده، والسبت لوحده، ويوم الشك (30 شعبان)، وصوم المرأة تطوعا بلا إذن زوجها وهو حاضر
وأحيانا بيبقى الصيام محرم زي يوم عيد الفطر، ويوم عيد الأضحى، وأيام التشريق (11و12و13 من ذي الحجة)، وصوم المريض اللي يخشى على نفسه الهلاك، وصوم المرأة الحائض أو النفساء
ده بالنسبة لحكم الصيام عموما
ولو جينا نتكلم عن صيام شهر رمضان (اللي هو فرض بصفة عامة) نلاقي فيه بعض حالات ليها أحكام خاصة واستثناءات معينة كالتالي
المسافر: إن وجد مشقة في السفر فيجوز أن يفطر ويقضي عدة من أيام أخر، لكن الأفضل أن يصوم
المريض أوالشيخ المسن: لو مرضه ده لا يستدعي مشقة مع الصيام فلازم يصوم عادي، أما إن وجد مشقة شديدة مع الصيام فيجوز له الإفطار، ويقضي الأيام اللي فطر فيها دي في أيام أخر لما ربنا يشفيه
لكن لو عنده مرض من الأمراض اللي صعب إنه يبرأ منها، فيتصدق عن كل يوم بطعام لمسكين
كذلك الشيخ المسن اللي يجد مشقة شديدة مع الصيام يتصدق بإطعام مسكين
المرأة الحامل أو المرضعة: إن خافت على نفسها من الصيام فيجوز لها الإفطار، وفيه تفصيلات تانية في الموضوع ده من ناحية هل تقضي الأيام اللي عليها بس، ولا تتصدق عن كل يوم بإطعام مسكين، ولا الاتنين مع بعض
الحائض والنفساء: يحرم عليها الصوم، وتقضي ما عليها في أيام أخر