نفسى فى كل ده طماع مش كدة

نفسى أفتح عينيا ألاقى الضلمة غابت وبدالها نور

نفسى فى لقمة نضيفة من غير ما أقف يوم فى طابور

نفسى أكلم موظف من غير ما يشخط قوم ياللا غور

نفسى ألقى فاكهة من غير كيماوى ولا أرض بور

نفسى فى القسم ألاقى معاملة حلوة وناس خفاف

لا ضرب وإهانة، ولا ذل ومهانة، ولا حتى أخاف

أمين مؤدب.. ظابط مهذب.. عسكر خفاف

لا حد يشخط ولا حد يضرب ولا ناس خراف

الكل ماشى عارف حقوقه وواجبه كمان

خارج فى صبحك راجع فى عصرك آخر أمان

عايش مكانك ما بين جيرانك حب وحنان

تحب جارك وجار اللى جارك وأخوه كمان

أحط أيديك دايما فى أيدى لا أنا عمك ولا أنت سيدى

نزعل لا نضرب لا تمد إيدك ولا أمد إيدى

بعد المشادة أقولك حقك علىّ خلاص يا سيدى

ده إحنا أرتبطنا لموتك وموتى برباط حديدى

نفسى ألقى فى يوم يا عالم حل لأزمة المرور

وقوسة القلب وغباوته حل لزيادة الغرور

نفسى فى حل لتدنى الرواتب والمهايا والأجور

حل حيدخل فى قلبى ولو شوية من سرور
على فكرة دى مش كلماتى دى كلمات لانسان وصلت بية الامنيات انة يطلب كل المستحيلات اللى فاتت بس يلا مش غلط ان اى واحد يحلم
عاشــــــــــــــــــــــــــق القمــــــــــــــــــــــــــــــر

على فكرة الكلمات دى فغلا هى حقيقة الواقع اللى احنا عايشينه بس يلا ماعلينا

عاشــــــــــــــــــــــــــــــــــــــــــق القمــــــــــــــــــــــــــــر

أبكى على الدنيا عديمة الأحساس
أبكى على الزمن إللى ماشى وخلاص
أبكى على نفسى والمجتمع والناس
أبكى على الشباب والبنات
أبكى على إمبارح وإللى حصل فيه
أبكى على بكرة وإللى هيجرى ليه
أبكى
أبكى عليكى يا مصر
!!!أبكى يا ناس ولا مبكيش
يارات حد يجوبنى
,متهيقلى دا ممكن يكون ارق رد على موضوعك
تقبل مورورى
بيسو المصرى
الباحث عن الحب