خلاص يا جماعة كل شئ انتهى ادخلوا واسوني

السلام عليكم ورحمه الله وبركاته
طالما حضرت عايزه رد
يبقى لازم ارد بس المشكله انى معرفش حضراتكم بتتكلموا فى ايه
المهم اللى فهمته زى ماحضرتك قولتى ان القصه انتهت
بس اللى اقدر اقوله ان ميدوا اكيد مشغول وليه ظروف الله اعلم هى ايه؟ بس المهم
اننا لازم نصبر ونتريس قبل مانتخذ اى قرار نرجع نندم عليه من الطرفين
واللى يحب لازم يسامح ويغفر
ياريت تكون الرساله وصلت ليكوا انتوا الاتنين
تقبلوا مرورى

السلام عليكم ورحمه الله وبركاته
بعد طووووول غياب رجعتلكم
رجعت وكلى امل رجعت والدنيا بدات تضحكلى اخيرا
بعد مبهدلتنى
بس انا هقول كلمه واحده الحمد لله على كل حاجه
عاوز اوصلك رساله يا رحاب ويارب توصلك
على ما اظن ان العلاقه بتعتنا بالنسبه ليكى انتهت خلاص
وانا بكلمك دلوقتى اعرفك حاجه
بجد انا اتظلمت كتير اوىىىىى وبجد كنت تعبان اوى اوى
وبجد كان عندى ظروف اقوى منى واقوى من اى واحد فى الدنيا
وكان لازم احلها الاول قبل ما اقلك كلمه بحبك
اقلها ازاى وانا قلبى مكسور تفكيرى مبيبطلش تفكير
النوم مش بيقربلى اكلمك ازاى وانا حزين
انا عارف انى كنت كل حاجه فى حياتك
وانتى كمان كل حاجه فى حياتى
علشان كده محبتش اتعبك من التفكير حبيت اخليكى فى امان
والامان فى الوقت اللى كنت فيه انك تكونى بعيده عنى
صدقينى عذاب الجرح اللى انتى حستيه او متصوره انى جرحتك
اهون بكتير من الجرح اللى كنت هسببه ليكى فى وسط الظروف اللى كنت فيها
والناس اللى ردت كلهم اجمعو انك من المفروض تسمعينى
وتخاولى تتمسكى بيا اكتر من كده قصدى كنتى تحاولى
تتمسكى بيا وتقفى جنبى بس للاسف زى متكونى صدقتى
ان يكون فى خلاف علشان تعيشى دور المجروحه
ومدورتيش على الانسان اللى انتى متصوره انه جرحك
يا جماعه انا عاوز اقلكم على حاجه لو واحد بس فيكم حس
او حاول يتخيل اللى انا كنت فيه والظروف اللى انا حكتها
دى كلها انا موافق برايه
وصدقينى يا رحاب انا عمرى ما حبيت ولا هحب حد قد ما حبيتك
وعلى العموم انا شايفك مرتاحه وانتى بعيده عنى
وانا هسيبك براحتك
بس انا قلتلك كلمه زمان يارب تكونى فاكراها
(مسيـــــــــر الايام تثبتلك )
وبجد انا دلوقتى محتاجك اكتر من اى وقت فات
لانى بادى اقف على رجلى من جديد
متشكر اوى يا جماعه انكم حسيتو بيا ومظلمتونيش فى ردودكم
ومتشكر يا ربيع على كل اللى عملته معايا انته بجد
اخ انا فخور بيه
انا اسف انى برجوعى صدعتكم (سامحونى)
اخوكم المخلص
(ميدو)