BESSO
مجلس اداره المنتدى
عدد الرسائل : 172
العمر : 36
الموقع : besso_elmasry10@yahoo.com
نقاط : 2926002
تاريخ التسجيل : 13/09/2008
 |  موضوع: النهاردة أنا جايب موضوع جامد جدا.  الخميس سبتمبر 25, 2008 12:18 pm | |
| النهاردة أنا جايب موضوع جامد جدا. اولا:السلام عليكم و رحمة اللة .منتشرة أوي اليومين دول .. فقلت أجيبلكم اللي أقدر عليه
نبدأ..
1/أغنية "قالتلي قول "/عمرو دياب/
آلتلي فوووول .. بالسلطة ولا الحبهان.. أولتها يع .. قالتي ايه دا الحبهان دا طعمه جنان
طب جرب حبة.. واستطعم الأكل يا مان ..خدلك حتة وانجز ..ماتبئاش حيوان
أولتلها غوري في داهية .وكفاية جنان
2/أغنية "ضحكت"/عمرو دياب
عطست.. يع دي جالها زكام .. وكل شوية تروح حمام .. طب وآدي دأني ان شوفتك مرة.. جتك داهية ألبتي الحال
مستني أيه بعد العطسة.. دي العطسة مليانة بتفة ..مش هي دي اللي انتا عارفها وبقالها ساعة في الحمام
3/أغنية "حضن الغريب"/تامر حسني/
خليه يمشي يا فهمي .. ويبعد ويبطله يومين
بكرة يرجع زي الكلب ..مزلول على نفسين
ماتسيبه يروح هناااك
ويدور ع المزاااج
مالهيلئى زينا
مهما يروح أو يغيب
بردو قرش الغريب
مش زي قرشناااا
4/أغنية "أرجعلي"/تامر حسني/
هريدي.. أنا عايزة تلاجة
تلاجة تاني لييييه؟
طب وهانعمل ليها اييييه؟
ما كل الناس عندها واحدة ..واحدة
طاب ها نجيب اتنين ليييييه؟
هريدي هاتلي معاك اتنين كيلو كباب
وكمان دوا للامساك ..يا هريدي يا زوووووء
عايزة لبن..هاتلي لبن ..أحطه جوا في بـــــئـــــي
وهاتلي عسل ..عايزة عسل .. بس يكون من الــدقــي
5/أغنية "اعتذري"/تامر حسني/
اعتذري للي هياكل بعدي خليه يسامحني اصل انا مسبتش ولا لقمه في طبقي ومبقاش فيه اكل عندنا
انا مش قلقان عليكو عارف اكيد هتتصرفوا هتطلبو ديليفري يجيكو وبالسم الهاري تطفحوا
متنسونيش طب في بطاطسايا أحبس بيها اللقمه
ولا هتبقوا جنتل معايا واخد منكم قطمه
6/أغنية "واحد من الناس"/لؤي/
كان ساندويتش فراخ.. زي أي فراخ .. عليه كاتشب ومستردة ومايونيز وخلاص
بس الجبنة مش سايحانة ..سايحانة بحالها ..والكاتشب دا عليه دبانة ..دبانة طايرة في حالها
سمنة وملح وخل وشطة هي الحاااال .. واللي يدوق يحتاس..يحتاااااس
7/أغنية "يانا يا انتا"/محمد حماقي/
تيجي وماتجيش أنا كدا كدا رايح .. هريدي مستني وبلاش فضايح ..كدا ها أتأخر يا واد يا عنتر ..ملاكي دي ولا أجرة وساااارح
وقف يا اسطة الله يرضيك .. وديني ياسطة لحسن أشوط فيك
هريدي قريبي من زمان ياسطة وبديلو ع القفااااا
أرجوك ياسطة زودها بنزين .. مش عاوز ياسطة أوصل بعد يومين
كل دا يا هاني وانتا قدامي .. آه وعامللي عبيييييط
8/أغنية "أحلى حاجة فيكي"/محمد حماقي/
زيدتي خمسة كيلو كدا ليه؟؟
بتكلي طبق تاني يبقو طبقين
سندويتش أيه اللي ها تحلي بيييييه
وقوليلي زيدتي عشرة كيلو كدا ليه؟
ولا عايزة لحمة وباتون ساليه؟
دراعي ايه اللي تتعشي بيييييه
ليالي يالله
انشالله تاكلي السفرة انشالله
دا كتير عليا الأكل دا والله
هاتاكلي أكتر من كدا ايييييه
9/أغنية "فينو"/هشام عباس/
صايع ..وشرابه ضايع .. وفي تالتة صنايع.. وبنطلونه من غير حزااام
قميصه واسع .. وعقله لاسع..من الدور التاسع ..يرمي الكتب ويخش ينااام
فينو الواد المسطول ..ليه مش حاضر الحصة ؟
ومزوغ فين على طول ..مش ناوي يفوق ولا لسا؟
أصلي ناويله.. ها أطين ليله.. بس أما أشوفه دا يومه هباااب
بنات يكلم ..ويخش يسلم .. وبلاش يتعلم ..وخروجاته في التمااام
يزبط واحدة .. ويعاكس واحدة ..ودايما واقف يدلع مع بنت الجيرااان
فينو الواد الفسدان..ليه ماجاش النهاردة؟
قرب يجيبلي جنان ..نفسي أشوفه في المحاضرة
أصلي ناويله.. ها أطين ليله.. بس أما أشوفه دا يومه هباااب
يارب تكون عجبتكوا
تقبلو من
لانى اسف
لانى بجد قايل كلام وحش بس يارب يعجبكم
غصب عنى هو الموضوع كده
اسف يا استاذ عمرو
بيسو المصرى | |
|
rehab adam
مشرف
عدد الرسائل : 86
العمر : 35
نقاط : 2940000
تاريخ التسجيل : 16/08/2008
| | موضوع: رد: النهاردة أنا جايب موضوع جامد جدا. السبت سبتمبر 27, 2008 11:59 am | |
| بيسو انا كده زعلت منك جدا وبسرعة جدا تغير الكلام ده
انا عشقي الاول والاخير (عمرو دياب)بس عامة ميرسي ع الحوار ده | |
|
BESSO
مجلس اداره المنتدى
عدد الرسائل : 172
العمر : 36
الموقع : besso_elmasry10@yahoo.com
نقاط : 2926002
تاريخ التسجيل : 13/09/2008
| | موضوع: رد: النهاردة أنا جايب موضوع جامد جدا. السبت سبتمبر 27, 2008 12:11 pm | |
| على فاكره انتى لو بتحبى عمرو زى مبتحبيه مش هتحبيه زى
وغ العموم انا باعت اسف لعمرو ف اخر الوضوع
تقبلى مورورى
بيسو | |
|
lola
عضو محترف
عدد الرسائل : 167
العمر : 34
نقاط : 2931001
تاريخ التسجيل : 03/09/2008
| | موضوع: رد: النهاردة أنا جايب موضوع جامد جدا. الأحد سبتمبر 28, 2008 6:43 pm | |
| ايه دا انا بحب عمرو عادي زيو زي اي حد انا عشقي وحبيبي كظومي حياتي عارف تكتب حاجه عليه انت حر  | |
|
