قمة الرخامه ... الى عصبى ميخشش

هو حوار فعلا يحرق الدم بس بجد جاااااااامد
في حاجاااااااااااااات تنقط
شكرا يا ستي

بلاش نتكلم ع التخلف العقلي كل واحد فيه اللي مكفيه يا هااااااااااااانم geek

انا جاااالي شلل نصفي في صباع رجلي الصغير وشويه وهيدخل علي المخوخ ويجبلي تخلف عقلي اكتر من الي عندي Rolling Eyes

حوار يحرق الدم
...................................

فيه اتنين ماشفتش و لا حاشوف حد فى غلاستهم و بيقعدوا دايما يتناقشوا مع بعض و اللى يقرب منهم يستاهل اللى يجراله.
ملحوظة هامة : اللى بيعانى من اى اضطرابات فى ضعط الدم سواء كان ارتفاع أو انخفاض أو عنده دم من أساسه فمن مصلحتهانه يفوت الصفحات ديه و بلاش يشيلنى ذنبه لو جراله حاجة_الواحد مش ناقص و قد أعذر من أنذر.

- صخرة وقعت من فوق العمارة لوح الازاز اللى تحتها متكسرش لية ؟
عشان ماوقعتش عليه

- طب فرخة بتعدى الشارع ماتت فجأة لية ؟
الصخرة وقعت عليها

- لية ملخفن بيحط جنبه كباية شاى وهو نايم ؟
علشان الشاى منبه

- طب لية بيحط جنب كباية الشاى فنجان قهوة ؟
علشان لو الشاى مرنش

- طب لية بيحط جنبه كباية مية فاضية و كباية مليانة ؟
علشان ممكن يشرب و ممكن ميشربش

- و ليه بيحط ملح على راسه ؟
علشان يبقى حدق

- و ليه بيحط سكر على الكرسى قبل ما يقعد ؟
علشان تبقى قعدته حلوة

- حاجة طايرة فى السما و بتقول نياو اية هى ؟
قطة بيضاء مضروبة بالشلوت

- طب حاجة سودة طايرة فى السما و بتقول نياو اية هى ؟
غراب بيستهبل

- طب حاجة بنى طايرة فى السما و مبتقولش اى حاجة اية هى ؟
فردة الجزمة بتاعة الراجل اللى ضرب القطة البيضاء

- طب حاجة سودة طايرة فى السما و مبتقولش حاجة اية هى ؟
غراب عاقل و مبيحبش الاستهبال

- حاجة زرقاء طايرة فى السما اية هى ؟
ذبابة لابسة بنطلون جينز أزرق

- طب حاجة سودة و فيها خط أحمر و طايرة فى السما من الشرق للغرب اية هى ؟
ذبابة لابسة فستان سواريه و حاطة روج و رايحة فرح واحدة صاحبتها

- طب حاجة سودة و فيها خط أحمر و طايرة فى السما من الغرب للشرق اية هى ؟
نفس الذبابة نسيت حاجة فى البيت فرجعت تجيبها

- حاجة سودة ماشية فى الصحراء اية هى ؟
سرب نمل رايح يعزى

- نقطة سودة على الحيطة اية هى ؟
ذبابة

- طب 3 نقط سود على الحيطة تبقى اية ؟
ذبابة و فيشة

- حاجة رفيعة و طويلة و لونها أبيض اية هى ؟
فتلة بيضاء

- طب حاجة رفيعة و طويلة و لونها اسود تبقى اية ؟
خيال الفتلة البيضاء

- ايه هو الحيوان الاخضر الصغير اللى بياكل الزلط ؟
هو ابن الحيوان الأخضر الكبير اللى بياكل الزلط

- حاجة ماشية على الارض و بتعمل زززززززز _ ايه هى ؟
صرصار راكب موتوسيكل

- طب ناس دخلوا شقة فعرفوا ان فيها صراصير _ عرفوا ازاى ؟
لقوا الموتوسيكلات راكنة جنب البلاعة

- طب تعرف تقوللى 5 فروق بين الوزة و البطة ؟
1- تقدر تحلق شعرك زلبطة لكن متقدرش تحلقه زلوزة
2 – فيه رحالة اسمه ابن بطوطة لكن مافيش رحالة اسمه ابن وزوزة
3 – تقدر تبلبط فى البحر لكن ماتقدرش تبلوز فيه
4 – كلنا بنتغطى فى الشتاء ببطانية لكن مبنتغطاش بوزانية
5 - الوزة كانت زمان بطة بس الشيطان وزها

- ايه الفرق بين الفيل و البرغوت ؟
الفيل ممكن يتملى براغيت لكن البرغوت مش ممكن يتملى فيلة

- ليه القطر بيصفر قدام الاجزاخانات ؟
علشان القطرة تطلع

- و ليه الكتكوت مابيعرفش يكذب على الفرخة ؟
علشان هى اللى فاقساه

- ليه القطر بيقف على المحطة ؟
علشان مابيعرفش يقعد

- طب و ليه بيمشى بعد كدة ؟
علشان زهق من الوقفة

انا عارف انكو اتشليتو ... بس متأكدة انكو متوا على نفسكو من الضحك